Айылҕа ресурсатын кэҥэтиигэ, экосистеманы тупсарыыга стратегическай бырайыак быһыытынан үлэлиир "Тумара" бизонарийыгар кыыллар үһүс сылын кыстыыллар. Бу сайын хааччахтан ыытыллан көҥүлгэ 3 ый устата сырыттылар. Бу кэм иһигэр питомниктан 120 килэмиэтир ыраатан Намана үрэх тардыытынан Өлүөхүмэ границатыгар тиийэ сырыттылар. Элбэх астаах-үөллээх сиртэн үлэһиттэр араас албастары туһанан төттөрү үүрэн аҕаллылар. Кэмпэндээйи сиригэр кыыллар этэҥҥэ төлөһүйэ улаатаннар кинилэргэ эбии 10 бизону аҕалан ыыттылар. Ойуур бизона дойду үрдүнэн 5000, ол иһигэр саха сиригэр 300 устуука баар. Сүтэн эрэр кыыллары элбэтиигэ энтузиаст дьон, улуус дьаһалтатын уонна экология министиэристибэтин өйөбүлүнэн иитэллэр. Кинилэри чинчийиигэ биология институтун анал үөрэхтээхтэрэ кэтээн көрөллөр. Маннык идэлээх дьон республикаҕа биэстэр. Чинчийээччилэр кэтээн көрүүлэринэн ойуур бизона ортотунан 25 сааһыгар диэри олорор. Питомникка бастакы кэлбит кыыллар 4 саастарын туолан төрүүр-ууһуур кэмнэригэр кэллилэр. Онон бу күннэргэ историческай түгэнинэн Сунтаар улууһугар бастакы бизон төрүөҕэ. Хаһаайыстыба тупсаҕай көстүүлээх, үлэһиттэр олорор усулуобуйалара табыгастаах буоларын курдук базаны кэҥэтиигэ тустаах үлэ барар.
Календарь
| « Январь 2025 » | ||||||
|---|---|---|---|---|---|---|
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
Случайное
Сунтаар уонна Ньурба улуустара силбэһэр
В рамках акции «Кыргыттарга илиибин
Приобретены лекарственные средства
В Сунтарском улусе 22 сентября
