Главная

Ыһыах түһүлгэтин саҥа тутуулар киэркэтиэхтэрэ

Ыһыах түһүлгэтин саҥа тутуулар киэркэтиэхтэрэ. 

Cэргэй Сибиэрэп - Кыыл Уолун үбүлүөйдээх сылыгар аналлаах республикатааҕы  ыһыахха бэлэмнэнэн дьон сынньанар пааркатын тупсарыыга күрэх биллэриллибитэ. 

Күрэҕи Сунтаар улууһун экономическай уонна социальнай сайдыыга пуондата иилээн-саҕалаан ыытта.

Кыттааччылар сайаапканы муус устар 15 күнүттэн ыам ыйын 15 күнүгэр диэри биэрбиттэрэ. Тупсаҕай тутуулары, кэрэ көстүүнү олохтуурга уопсайа 7 сайаапка киирэн, нэһилиэктэр бырайыактарын көмүскээтилэр. 

Хамыыһыйа сыанабылынан Элгээйи нэһилиэгэ Сэргэй Сибиэрэп түһүлгэтин сөргүтүү бырайыагынан бастакы миэстэни ылан 500 тыһ. солк наҕараадаланыаҕа

Иккис миэстэни Кэмпэндээйи нэһилиэгэ Концертыыр сцена тутуутугар  300 тыһ.солк ылла.

Үһүс миэстэни Устье нэһилиэгэ баар  паарканы сөргүтүүгэ бырайыагынан 200 тыһ.солк наҕараадаланыаҕа.

Кыайыылаах бырайыактар бэс ыйын 15 күнүгэр диэри түмүктэнэн олоххо киириэхтэрэ.

Быйылгы тэрээһин Арассыыйаҕа  Дьиэ кэргэн, Саха Өрөспүүбүлүкэтигэр Оҕо саас, Сунтаар улууһугар Аҕам саастахтарга сүгүрүйүү сылларыгар ананан ыытылынна.






Календарь

«    Апрель 2025    »
ПнВтСрЧтПтСбВс
 123456
78910111213
14151617181920
21222324252627
282930