Бааттаах булчут кимий?

Кутана кусчута Алексей Потапов кус көҥүллэнээтин кытта сэттис мүнүүтэтигэр түүн 00.07 чааска бастакы көҕөнү ытан түһэрдэ. Киниэхэ, кыраҕы харахтаах, хамсаабат илиилээх булчукка 10.000 солкуобай уонна 200 устуука ботуруону туттарыахтара.  

Бу курдук булчут эр дьону көҕүлүүр бэртээхэй күрэх олохтонон сыл ахсын тыҥааһын үрдүүр. Күүкэй нэһилиэгин уонна Сунтаар улууһун сайдыытын пуондатын өйөбүлүнэн 1-кы, 2-с, 3-с миэстэлээх дьоҥҥо сыаналаах бириистэр, ботуруоннар туттарыллыахтара. 

Бу күрэх удьуор булчут Прокопьевтар дьиэ кэргэттэрин аҕалара Валерий Алексеевич Прокопьев аатыгар ыытыллар.