Сунтаар урбаанньыттарын сүлүөтэ

Сунтаар урбаанньыттарын сүлүөтэ

Ыам ыйын 29 күнүгэр, самаан сайыны көрсө, Арассыыйа урбаанньыттарын күнүгэр анаммыт Сунтаар улууһун урбаанньыттарын сүлүөтэ буолла.
Тэрээһини Сунтаар улууһун дьаһалтата, Сунтаар улууһун сайдыытын Фондата, культура управлениета, тыа хаһаайыстыбатын управлениета, спорт отдела, Сунтаардааҕы “Мой бизнес” Киинэ тэрийэн ыыттылар.
Киирии тылга Сунтаар улууһун экэниэмикэҕэ солбуйааччы Борис Серафимович Васильев, Сунтаар нэһилиэгин баһылыга Эдуард Егорович Филиппов, Дьаархан нэһилиэгин баһылыга Петр Вячеславович Тимофеев, Сунтаардааҕы Алмазэргиэн баан филиалын салайааччыта Эллада Петровна Николаева эҕэрдэлээтилэр. 
Бастыҥ урбааннар, хаачахтаммыт эппиэтинэстээх тэрилтэлэр, кээпэрэтииптэр салайааччылара, сэбиэдиссэйдэрэ, испэссэлиистэрэ, атыыһыттара Саха Өрөспүүбүлүкэтин урбааҥҥа, эргиэҥҥэ уонна туризмҥа министиэристибэтин,  Сунтаар улууһун баһылыгын, Сунтаар нэһилигин баһылыгын, Дьаархан нэһилиэгин баһылыгын, Алмазэргиэн баан  грамоталарынан, махтал, эҕэрдэ суруктарынан наҕараадаланнылар.
Сунтаар улууһун урбаанньыта Мария Ивановна Васильева Сунтаар улууһун экономикатын уонна үпкэ сыһыаннаһыыларын сайдыытыгар кылаатын иһин Бочуоттаах бэлиэни тутта. 
Тэрээһиҥҥэ урбаанньыттар хамаанданан параадтаан хаамтылар, палатканы киэргэтиигэ, спортивнай-туристическай харгыстаах балаһаны туорааһыҥҥа, күрэхтэстилэр, көрү-нары тэрийэн оонньууну оройуттан туттулар.
Күрэх түмүгүнэн, 
1. балаакканы киэргэтиигэ
- 1 миэстэ «Пираты Сунтара» хамаанда кыайда (“Первый рынок” атыы-эргиэн киинэ, "Солнечный" маҕаһыын, “Маяк” маҕаһыын, “Илгэ” маҕаһыын, Вайлберис тиксэрэр пууна).
- ⁠2 миэстэни «Сайдам» хамаандата ылла (“Сайдам” маҕаһыын).
- ⁠3 миэстэҕэ «Служебный роман» хамаандата таҕыста (Дьаархан нэһилиэгэ).
2. спортивнай-туристическай харгыстаах балаһаны туорааһыҥҥа:
- 1 миэстэни «Слово пацана» хамаандата ылла («Татыйыына» хампаанньатын группата).
- ⁠2 местэни «Пираты Сунтара» ылла (“Первый рынок» АЭК, “Солнечный”, “Маяк”, “Илгэ” маҕаһыыннар, Вайлберис ТП).
- ⁠3 местэҕэ «Ковбои» хамаанда таҕыста (“Тандем” АЭК).
3. Биэчэр талба талыы дьонунан «Мисс» уонна «Мистер» күрэххэ:
- Мисс - Алексеева Саргылана кыайыылааҕынан таҕыста («Татыйыына» ХГ)
- ⁠Мистер - Артемьев Анатолий буолла («Татыйыына» ХГ).
4. «Диджейдэр» күрэхтэригэр бастыҥнарынан «Ковбои» хамаанда  буоллулар («Тандем» АЭК).
Муҥур кыайыылааҕынан уопсай баал түмүгүнэн “Пираты Сунтара” (“Первый рынок» АЭК, “Солнечный”, “Маяк”, “Илгэ” маҕаһыыннар, Вайлберис ТП) таҕыста, сылын аайы туттарыллар кубок хаһаайынынан буоллулар. 
Бу сүлүөт биир дьоһун өрүтүнэн, урбаанньыттары кытта, атах тэпсэн олорон, инники былааннары торумнуурга, ыкса үлэлэһэргэ санаалар киирбиттэрэ буолар, инньэ гынан бэрт таһаарыылаах көрсүһүү буолла. Дьон-сэргэ үөрэн-көтөн, айылҕаҕа куттуун-сүргэлиин сынньанан, сайаҕас күҥҥэ сыламнаан, күүс-уох ылан астынан дьиэлэригэр тарҕастылар.
Тэрээһини тэрийсибит, бииргэ сүүрсүбүт-көппүт тэрилтэлэрбитигэр барҕа махталбытын тиэрдэбит! Урбаанньыттарбытыгар уруй-айхал!